सिनासको ५२ औं बार्षिकोत्सव

सिनासको ५२ औं बार्षिकोत्सव

त्रिभुवन विश्वविद्यालय नेपाल र एशियाली अनुसन्धान केन्द्र(सिनास)को ५२ औं बार्षिकोत्सव समारोहमा पराराष्ट्रविद दिनेश भट्टराईद्धारा लिखित पुस्तक " No Alignment :Quest for Independent Foreign Policy" शीर्षकको पुस्तक बिमोचन गरिएको थियो ।  साउन १ गते आयोजित ‘सिनास डे’मा नेकपा एमालेका उपमहासचिव एवम् पूवपरराष्ट्रमन्त्री  प्रदिप ज्ञवाली, नेकपा माओवादी केन्द्रका विदेश विभाग प्रमुख राम कार्की, नेपाली कांग्रेसकी नेतृ एवम् पूर्व परराष्ट्रमन्त्री सुजाता कोइराला र त्रिभुवन विश्वविद्यालयका शिक्षाध्यक्ष प्रा.डा शिवलाल भुसालले उक्त पुस्तकको वारेमा टिप्पणी गर्नुभएको थियो । नेपाल र एशियाली अनुसन्धान केन्द्र (सिनास) द्धारा प्रकाशित उक्त पुस्तकका वारेमा  जानकारी गराउनुहुँदै परराष्ट्रविद् डा. दिनेश भट्टराईले तिव्र धुव्रिकृत भइरहेका विश्व परिवेशमा असंलग्न परराष्ट्र नीतिको सान्र्दभिकता बढेर गएको बताउनुभएको थियो ।